مساحة إعلانية
مساحة إعلانية
شُفتك وعنيك بتكب رزاز
شُفتك وف كام صوره و برواز
شُفتك ونسيت الحلم
المسنود على عكاز
من غير ما تسيب الضحكه
البايته ف حضن نشاز
شُفتك من غير ماتبوح
ولا حتى تنوح للخلق
عزاز ....
شُفتك وبترسم ليل ورا ضى
شُفتك بتعاود ف الحلم النى
وبتكسر ف بواقى الحى ....
الليل اهو جى
متركب وكأنه حطان من شي
شُفتك كام مره ف بواقى التوت
شُفتك وكانك موت منحوت
بيرد البرد المتخبي ف احضان.الموت ...
شُفتك وكانك صوت مفلوت
واهات بتلم بواقى الموت
وبترمى ف اوهام بتفوت
شُفتك وكانك توت
بتخطى حاجات وتموت ف حاجات
وبتفضل واقف وكانك آت
لسنين جيات
وف حضن بنات
بتبرطع وتقول اموات
شُفتك ونسيت الحلم الضايع
ومابين نجمات
شُفتك وكان الناس اموات
بتعدى سكات
وتجيب ف ما فات
وتقلب روحى ونبات
أموات
مساحة إعلانية
مساحة إعلانية
.jpeg)
