مساحة إعلانية
مساحة إعلانية
ذات يوم وفى نهاية يوم دراسى حضرت إلى مكتبى الاخصائية النفسية بالمدرسة لتسلمنى رسالة من إحدى طالبات المدرسة وطلبت منى أن اقرأ تلك الرسالة وغدا نتناقش فى الأمر وأنصرفت.
فتحت الرسالة وكان هذا هو نصها
"السلام عليكم ورحمة الله وبركاتة
أنا طالبة فى تالتة ثانوى ، محتارة خالص ومش عارفه احكى فقلت اكتب حكايتى فى رساله ، ارجو أن تهتموا بما أكتب وانتظر من حضراتكم أن تطمنونى، لانى قلقه ومش عارفه اعمل إيه، فيه مدرس بيدينى درس خصوصي وهو مدرس ممتاز وشرحه حلو خالص ونتائج طلابه ممتازة ، فى الاول كنت مرتاحه جداً معاه وكان دايماً يهتم اننا نفهم مش نحفظ ، بس من فترة حسيت ان أهتمامه بيا كان زيادة شويه ، اذا تأخرت يسألني عن السبب وأن تغيبت عن الحصة يسألني كنتى فين ، يعملى جدول للمذاكرة، كان دايما يقولى انى طالبة ممتازة بس لازم تسمعى الكلام ، كل ده حلو ولكن كنت أشعر بنبرة السيطرة فى كلامة ، والنبرة دى خوفتني، مين صحابك؟ مين بيكلمك فى التليفون؟ بتخرجى مع مين وبتروحى فين؟ أنا عارفه انه خايف عليا وعاوز مصلحتى، وساعات بيبقى لطيف جداً ، ممكن يدينى شيكولاته لو جاوبت على سؤال ، ويقولى أنا فخور بيكى ، الكلام بيفرحنى بس بيربكنى ، حسيت انى بستنه رأيه فى أى حاجه اعملها ، كنت بخاف على زعله ، ولو فى مره زعل منى ابقى متوترة طول اليوم ، وكان يبعتلى رسالة على التلفون يطمن عليا ، أو يرن وعاوزنى اكلمه ، وكانت امى تبقى جنبى وتسألني مين اللى بيرن؟ ومكنتش اقدر اقولها ، كنت فى ضغط نفسى مش ظاهر لكنى حساه ، حاسه بحاجه مش مريحة ، هل ده إهتمام طبيعى من مدرس شاطر بيحب شغله؟ ولا ده تعلق غير طبيعى ولازم اوقفه عند حده؟ أنا بقيت قلقانه وخايفه ومش مركزه فى مذاكرتى ، اكمل ولا ارجع واعمل حد للتعامل؟ قبل ما أتعلق أكتر واتوجع؟
عاوزه حد ينصحني، أعمل أيه ؟ واتصرف ازاى ؟ وأنا مش عارفه اذاكر ولا قادره اركز وخايفه على مستقبلى ، وكمان خايفه من امى ولو ابوى عرف انه بيكلمنى ممكن تبقى مشكلة .. تنصحونى أعمل إيه"
دى كانت رسالة الطالبه للأخصائية وإن شاء الله بعد ما نتقابل مع الاخصائية ونناقش المشكلة ، ونكمل الحكاية "حكاية رسالة"
مساحة إعلانية
مساحة إعلانية
مساحة إعلانية
مساحة إعلانية
مساحة إعلانية
