مساحة إعلانية
مساحة إعلانية
شعر - رباب الجورية
ماشي وفي سكتي
.كل الطرق رافضة
شايل في غربتي.
ربعين حلم فكة
افرد جناح الصبر
. وألملم ...الشِدة
واستني يجي الفرج
وجروحي تتطفى
ألضم بخيط الأمل
.واشّبِك التجاعيد
يمكن يدوب (الوجع)
ويا طروف الخيط
والبس توب للحياة
..مغزول بحلم جديد.
او يمكن تراب سكتي
..يصعب عليه وحدتي.
فيشد من عمري.
ويقصر السكة
.....
يافروق محوطاني.وحضناني
كأني يتيم
ازرع في أرضك..أمل واستني واترجى
يمكن بلون وردك شقوقي تتغطى
فالاقي شوكك ..حاضن ضلوعي.ومتّبت
فارد سوادك طارحة غيطانك أسي فحلفت اكون فلاح
لميت عباية الشقا. وقلت يافتاح
هزرع بفاس الرجا واعمل ضلوعي جناح
واستني تطرحلي بدل الجراح أفراح..
كل ماقوم أنا بقع
واغرِس في قلب الطين.
ارجع وأداري البقع
وأنْفُض تراب الوجع
فألقي حصادي انين
.هدّا حيطان حلمي ومقسماني اتنين
واحد يقوم ويقع والتاني لسه جنين
(مالك ومالي دانا ولد ناس طيبين)
...
الجرح نازف وانتي عالزناد دايسة
وكأني مش منك وبناري مش حاسة
والله دي ملامحك واللون ده من لونك
عضمي الل كسرتيييه بنلملمه لسة
انزل في بحرك اقول أغصاني تتهنى
تتروي احلامي و أحزاني تتخلى
أغطس وإِب ودموعي في عينة
فيزيد عطشي فيكي
ويشققو ايديا.
.....
ايوه قرصني الجوع.واللقمة ف ايديا
كل اما باكل اجوع. وكأنه مش ليا
بيعاني من غير تمن.او قبضة كام فيا
ولا في دفاترك اسمي واحد مالوش دية
مساحة إعلانية
مساحة إعلانية
