مساحة إعلانية
مساحة إعلانية
الأم تترافع بدون أتعاب
دارسه القضيَّه بقلب مش بكتاب
مهما أتفطم الإبن لسَّه جنين
بتشوف بقلبها مش مجرَّد عين
موصول في روحها وننِّي عينها يسن
ومعاها دفتر للحضور وغياب
عدَّت سنه والدمع كان ع الخَد
والحفظ لملم في الورق وما رد
والحق يرجع لما تفرد يد
والجَد سَعيَها لما طرقت باب
نطقت وقالت ربنا الواحد
وإن القضيَّه وضوحها كان شاهد
ينظر يسن بصباعُه ع الجاحد
إيه اللي جاب الذئب دا من الغاب ؟!
الأرض حَكَمَت والميزان منصوب
وإنت اللي إسمك م البشر مشطوب
والحُكم نازل م السما مكتوب
وإنت اللي مصلوب عِبره بالأسباب
كل اللي شافوا وخافوا كيف عايشين
دول إستحاله يكونوا بني آدمين
مات الضمير ونسينا رب ودِين
ونسينا إن قيامه فيها حساب
كل البيوت ح تلاقي فيها يسن
وإحنا اللي عايشين
غفله مش حاسِّين
أخلاقنا صِفر النخوه راحت فين
في عيون يسن ح تلاقي ألف جواب
مساحة إعلانية
مساحة إعلانية
