مساحة إعلانية
مساحة إعلانية
هي دي كل الحكاية
هتشفوها في السطور
أمي كانت ست كاملة
وشها بيشع نور
أمي دايما مستقيمة
بالصلاة ويا العبادة
أمي خلت لينا قيمة
كل يوم نكبر زيادة
قدمت لينا النصيحة
بالبعاد عن أي نزوة
لما كات بتزيد همومنا
بالسند نلاقيها عزوة
أمي لما ابويا مات
حضنها ساعنا ودراعها
كت بتبكي من سكات
لاجل ما نحسش وجعها
ضلها ولا ضل راجل
احتويتنا ف الشدايد
لما نطلب يبقى عاجل
توجده وافر وزايد
في الصباح تجري لعملها
لاجل ما تكفي عيالها
هي كانت نور حياتنا
واحنا كنا كل مالها
نبقى غاية الاندهاش
لما نصحي مانلقهاش
خدنا منها شبابها لما
عمر أمي ضاع بلاش
أمي ضحت بالسنين
لاجل ما نكبر قصادها
كت بتسقينا الحنين
واحنا ناخد من حياتها
أمي كانت تنسي تاكل
بس مابتنساش ضناها
أمي تعبت م المشاكل
واحنا عشنا وقضيناها
كت حياتنا آه بجد
كل يوم كت تنتظرنا
كت مابتزعلش حد
واما كنا نغيب تزورنا
أمي كبرت مرة واحدة
والخطاوي بقت تقيلة
أمي اللي دموعها جاحدة
مشتكتش تعبها ليلة
شعر أمي سواده داكن
لما شاب شفناه وقار
كلنا حواليها لكن
كنا غاية الانهيار
روح ياخويا هات طبيب
اوعي تمشي وتسيبنا
كت تغيب... كت تغيب
تجري دمعة من عنينا
أمي إصحي أمي فوقي
فتحي عينيكي الرمادي
يامةه اوعي الهم فوقي
شفتها ك ملاك قصادي
جه الطبيت يكشف عليها
سألته مالها لقيته ساكت
شفته بيسبل عينيها
رحت صارخة... أمي ماتت
مساحة إعلانية
مساحة إعلانية
