مساحة إعلانية
مساحة إعلانية
في عينيك حاجات
تتحس بس ما تتحكيش
ما وحشتنيش
إزَّاي أصلاً راح توحشني
و انت الساكن
جوا في قلبي
ما بتسبنيش
دا انا إن بس نطقت بإسمك
يرقص حرفك
ويَّا شفايفي
رقصة شوق
زيها ما الاقيش
و امَّا عيوني بتلمح صورتك
بالقى الدنيا دي أنهار فرحة
و لا تبكيش
و إن جات ليلة حلمت بقربك
نار بتشعلل
و لا تطفيش
و امَّا الدنيا بتقسى عليَّا
و القاك جنبي
قلبي بشوق
بيطير حواليك
فرحة طير
و طلع له الريش
و ان عاكستنا ظروف الدنيا
باسمع صوتك
و انت تقول لي :
عنى حبيبتي
ما تتنازليش
كل العالم ديه في كفَّة
و انتِ ف قلبي
خليكِ جنبي
و لا تمشيش
كل ملامحك
ساكنة ضلوعي
نبضي بنبضك بس
يعيش
قول لي ازَّاي من بعد دا كله
راح توحشني
و انت الساكن جوا ف قلبي
ما بتسبنيش
مساحة إعلانية
مساحة إعلانية
