مساحة إعلانية
مساحة إعلانية
بسط الكلمات في محبة أهل الواحات
كل شيء من الممكن أن يصير جميلا إن أردناه جميلا.الحكاية فن جميل وقديم وعشان كده هحاول بتواضع شديد وأدب جم اني اقدم بلادي واهلها للإنسانية جمعاء في شكل حكاية حياة الإنسان المصري في الواحات الأصيلة التي تنضح بالخير واليمن والبركات وكل شيء أصيل وجميل لمسته بقلبي من خلال رحلة حياتي المتواضعة كشاعر وباحث في الثقافة الشعبية يحلم أن يصل الي أعمق نقطة في الشخصية الوحاتية التي أعطت كل هذا العطاء اللي كتب عنه الرحالة العرب بكل روعة وبهاء فضلاً عن الغزوات المتكررة من النهابة كما كان يسميهم اهل الواحة وبالمناسبة دا اثر بشكل كبير على العمارة الشعبية في الواحات كونها بيوت متلاحمة متلاصقة واطية عشان لما كان النهابة ييجوا ميقدروش يدخلوا بيها لازم ينزلوا وهنا يسهل القبض عليهم من الأهالي ورميهم في الجب زي الجب اللي كانوا بيحكوا عنه في بوابة العوامر كمان كانت الدروب ضيقة عشان يدخلوا واحد واحد ميدخلوش جماعات وكمان الواحة زمان كانت تعيش تحت سقف واحد.في صرة البلد القديمة في السندادية وعين الدار اللي كان اسمها زمان عين الحصن وكان الأهالي بيشربوا منها لما تكون فيه غارة يدق طبل طريخة ويدخل الأهالي حجاتهم ويقفلوا البوابات الأربعة الأولى بوابة الشيخ عتمان وبوابة المتاريس وبوابة الإدريسي وبوابة كتان وكان فيه سور من خشب السنط يحيط بالواحة الأمان والاستقرار والمحبة.الرضا والقناعة والأصل الطيب.حجات كتير حلوة موجودة جوا أهل بلدنا في شخصيتهم الكامنة لان جذورهم طيبة والزرع من الزريعة زي ما بيقولوا في الأمثال الشعبية.قصة كفاح شعب مصر في الواحات من جمالها المفروض تتسطر بحروف من ذهب خالص كونهم قدروا بالامكانيات شديدة البساطة دي أنهم يحفروا الآبار الجوفية وليها قصة طويلة ثم يجهزوا الأرض الطيبة وبعدين يزرعوا النخل ودا اهم حاجة عندنا في الخارجة والداخلة وباريس وبولاق وبلاط وموط والقصر وكل حته في بلادنا ولله الفضل والمنة مصر هي الأولي عالميا في إنتاج التمور وأكيد خيرات الواحات جزء من هذا العطاء الكبير.اللي خلي الواحد يحاول أنه يكتب من قلبه أن بلادنا بكر وناسنا طيبين ومحتاجة فعلا والله إن كل واحد يبدع في مجاله ويدي علي قد ما يقدر ويبقي امين وراجل زي جدوده اللي قالوا .اللي يطب يسد بزوره . الابداع في غير مجال هو امل هذه البلاد المباركة القادم باذن الله تعالى لكل خير وسعادة
مساحة إعلانية
مساحة إعلانية
.jpeg)
