مساحة إعلانية
مساحة إعلانية
لو كنتِ صحيح بتحبيني
من فضلك رقِّي و سامحيني
علشان كنت ضعيف و أناني
ما قدرتش احافظ على قلبك
و لا كانش الذنب ف يوم ذنبك
*
كنتِ برغم انك محتاجة
أديتِ ما خدتيش و لا حاجة
و برغم الحيرة اللي ليلاتي
كات بتسببها التزماتي
كنتِ انتِ اللي تحلي حياتى
*
إتحملتِ
لمَٓا العين كات تحضن غيرك
و القلب اللي ماكانش أسيرك
برضو سامحتِ
و انا
ما رحمتش نًبل مشاعرك
و لا حاسيتش في يوم بعذابك
رغم دا كله
كان الكون ده بحاله ينام
إلا عيونك
تصحى تصلى
و القلب بيدعي و بيردد
ربي يصونه و يحميه ليَٓا
يفضل ضي و نور لعينيا
و لا قلتيش دا الظن غالبني
وهزمتِ ف أفكار تبعدنى
و بتهدينى ليلاتى بعلبة
متزينة بشريط أفراح
أفتح الاقي طريق لنجاح
*
يوم ورا يوم
رقصت ليَٓا السما و نجومها
خدتِ بإيدي طلعنا لفوووق
و بنظرة مزينها الشوق
قلتِ
هنا راح يبقى يا روحي مكانك
*
و امَّا التانية بهزة عنيفة و شَدِّة أيد
و بصوت فيه العزم شديد
بيقول فوووووق
سيب السما و انزل للأرض
و يا الله اختار
بين السُنة و بين الفرض
و أنا من دون تفكير
اخترت
اخترت أكون لك أوجاع
و يكون بيننا فراق و وداع
رغم الفرح اللي زرعتيه
و دموع عينك كات ترويه
كنت أناني ضعيف مهزوم
و أنا دلوقتِ
من غيرك راح اعيش و أكمل
طير انما بجناح مكسور
*
فان كنتِ صحيح بتعِزِّيني
من فضلك
رقِّي و سامحيني
أنا ما اعرفتش احبك أبدًا
زي ما كنتِ يا غالية عليَّا
بتحبيني
مساحة إعلانية
مساحة إعلانية
