مساحة إعلانية
ياللي قلبي داب في حضنِك
بُصي يَم عنيا مرة
اضحكيلي..
سرسبي من نور جمالك
ضي يقتل ضلمة الظلم في سبيلي
يا ام شال مغزول بخيط من الجنة ميلي
سقسقيلي الروح بضمة
زغزغي الفرح في وريدي
يا عنيدة !
ليه مُصرة تولّي وشِّك
ليه بعيدة !
رغم إن القلب عمره يوم ما غشِّك
شاف هواكي عطر عنبر بيّا رشك
وأنتي غاوية الصد قاصدة تبعديني
عذبيني
بس أوعي تبدي عني ضيف وتنسي
إني أولى من مكانه
حُطي في البال اللي عِشقك
شاف في حضنك بس أمانه
فتّحي عيونك وصحّي قلبك القاسي الحنين
بُصي مرة لعين بتعشق ضحكة منك
بصي بس بقلب ليّن
يمكن الود اللي فيكي
يعرف اصحابه ويحن
يا عزيزة الغُرب مهما احلووا غُرب
واللي مِنك دا اللي يستاهل فؤادك
دا اللي عقلُه رح يجن
نادى ياما وقال حبيبتي
بُصي يم عنيا مرة
واضحكيلي
يا حبيبة ..
امتى قلبك رح يمن؟؟
مساحة إعلانية
