مساحة إعلانية
إجمع شتات روحك
إضرب سنين الهمّ
إقسم عبير بوحك
على كل مين يهتم
بالحالة والأحوال
باللي انكتب وانقال
عن إحساسات بالية
وهزيمة متتالية
من واد في كوتشينه
وبنت ما لهاش حد
مهمومه وحزينة
قدامها مليون سد
محتاجة لمغامرة
يمكن تلاقي الدوا
وتحل تعويذه
إحساسها فيها استوى
وتلاقي في إيديها
قبضة لأثر الهوى
تحل عقدتها
تلاقي دنيتها
والشايب المكسور
يفرح برجعتها
ويقيم ليالي الفرح
ويفرّق الصدقات
ملايات محلاوي
يفرش بها الطرقات
يعلق الزينة
ويوزع الشربات
علشان ما يبقى الأثر
وتبان لنا الكرامات
* مبادرة كل يوم شاعرالتى يعدها و يقدمها الشاعر حمدي حسين
مساحة إعلانية
