مساحة إعلانية
مساحة إعلانية
•مهداة لروح صديقى الشاعر الراحل عبد الحميد احمد على
هربت
اكمن هناك احسن
طبعا نوم علي طول
ولاحد يصحيك
ولا حد يخبط علي بابك
ولاحد ينافق
ولاحتي يغش
ولحد بيجري وماسك ديل القرش
ولاحد يقلك
اسمع ياد دي قصيدة
ايه رايك
ولانك طيب مش قادر تجرح قلبه
وتقوله متكتبش
ارتحت ياخي
وتركت الناس بتقاسي
قال نحزن قال
طب ليه
نحزن او نبكي
احنا حاسدينك
مين قدك عاد
هتقابل الخال الابنودي
طول عمرك شاعر ياد
قلمك سيف
يكتب الوان الطيف
صوتك بوق
يزعق في الخلق التعبانة
الساكنة ف حلق الليل
النايمة علي الفرشه
الشقيانه
اصحوا ياخلق
الوالدة ف حالة طلق
القهر في جوفها واصل للحلق
مالك عاد ماهربت
ماهي خربت ياد
ولاعادش فيها غير الصمت
وقولة آه
وطنين الأطفال
آه لوتعرف
انا حاسدك ايوة بحق
بحق حقيق
ياد دامعادش في اليد صديق
ولاقشه بتنجي غريق
انت عرفت ياصاحبي انها باظت
ماهي طاطت للرايح والجاي
وايه هتفيد كلمة آي
وجعك منه ارتحت
وسرحت لفوق
دلوقت بس ياغالي
هتفوق
مساحة إعلانية
مساحة إعلانية
