مساحة إعلانية
مساحة إعلانية
مين اللى قال
الحظ مابيديش
مين اللى قال
الحلم ما بيرويش
مش كان غناكى جيش
مش كنت أنا الدرويش
بتمردغ ف لبس الخيش
مش كان لقانا يعيش
ما أنا الدرويش
مدروش مع المراويش
ومتلخمد بليل ميجيش
مش كنت ف رحابك
مش كنت على بابك
مترجى ف غيابك
يقولى مفيش
وكانه الغنا ملقيش
كام حبة براح للموت
وكام موال بيتغنى
كان حلم لما يفوت
ويقلى استنى
طالل من الجنه
بحبتين ويموت
يرسم بيوت الكون وسع
ويلم احلام البنات
كله ف سكات
وكانه لسه بيتوصف
ساعة ما فات
الحلم كان سكر نبات
وشويتين عنبر
أنا كل ما اسكر
اتوجع .... اكتر
المر ليه طالع من السكر
ما اهو مسكر
وبابه حديد
ما اهو اخضر
وحلمه جريد
متقلش لسه موصله
وبيرسمه ف ساعة
هلال العيد
الليل بليد
وانتى اللى راميه
ع الوجع قلبي العنيد
لمى البراح والضى
وانسي اهات الحى
واتخبي ف براح ملموم
قلبي اللى مهموم
بيلوم ...
على كل الخلق
الا .... انتى
مساحة إعلانية
مساحة إعلانية
