مساحة إعلانية
مساحة إعلانية
البحر كيف عاشق
والموت ف جوفه حياه
أنا الغريق ف الورد
والجرح يا محلاه
فمتلوموش قلبي
ان معرفتش اعوم
الحب يا قوووووم
قتيله يقول الله
مشتاق لطيفك أنا
والطله م البستان
غزلت ليكي الهنا
والحب ف الفستان
يا ام الكلام مفهوم
والطرح ع الخدين
أديني حتة تين
وم الفرح كوز تان
عندي حنان طايب
ياحلوه مني اشتري
قلبي كمان رايب
غمزيني بعيش طري
احبسيني بين ايديكي
لجل أوردن ف الحياه
غرقيني ف النجاة
وبفوزي بيكي اتعطري
قلبي حفيد الشوق
وعنيكي فدان غُنا
افتحي عيون الدار
خليني أدوق المُنا
بحلم أشوف الحب
وانتي السبيل للنور
حياتي عليها الدور
اسقيني كاس الهَنا
أنا كنت جامد قوي
أنا كنت واد عفريت
اطلع ف عز الندى
ولا اخفش م الحواديت
وأما الشوارع تشوفني
تطرح متين بنوته
وان قلبي احتاج بسكوته
تاجيني حد البيت
أحمر يا بلح
متحني بيد الريف
عشمني فيك الطرح
رغم اني واد حريف
أضرب بسهم الشوق
تعزف جمال وحنين
ضيعت مني سنين
والغمز لسه خفيف
مساحة إعلانية
مساحة إعلانية
