مساحة إعلانية
مساحة إعلانية
الغردقة-عبد الباسط عثمان
وبايه يفيد الجلد
بعد طلوع الروح.
والقلب أصلا كمان
من زمان مدبوح.
والجسد أصله تراب
وللتراب هيروح.
يعني يا واد الناس
البيعة خسرانه
ولو طبب العلاج جروح.
مسيرها خلصانه
وعمر الأطبا ما توصل روح.
والصوت اللي ما ع الحق يزعق
لو ع الكعبة آدان مبحوح.
وغراب البين لو مسك جيتار
ما يعرف غير ينوح.
وابليس لو يعلم الغيب
كان غرق سفينة نوح.
يعني خليك راجل
هتعيش كما عتيق الصروح.
دا الجسد لو غالي
ما كان سكن التراب
ولا كانت سافرت
في الأعالي الروح.
مساحة إعلانية
مساحة إعلانية
