مساحة إعلانية
مساحة إعلانية
اشتكيتك لليالى والسهر
والدموع والحرقة والشوق والحنين
ذكريات سابت أثر
سابت علامة
فوق جبين وش القمر.
اشتكيتك للغناوى
واحنا ماشيين فى الطريق
والحكاوى اللى حكاها
العزول قبل الصديق
والغرام المستخبي
و غصب عنا اشتهر
و الا للنجمة فى ليل قلبي الحزين
اللى شاركتنا وجعنا لما كنا موجوعين
والا اشكيك للقرايب اللى خانوا عهدهم
مثلوا انهم حبايب لما بثوا سمهم
عرفوا والله يخدعونا ،
فى الوشوش نظرات بريئة،
وفى القلوب غل السنين.
نفسي اعرف كسبوا ايه
لما عرفوا يفرقونا؟
عارفه انه كل ليلة
بيحكوا عنا
جابوا سيرتنا بشماته.
شوهونا ..وقالوا إنا،
لعبة فى ايدين التلاتة .
اللى قالت انها اخت وشقيقة
واللي قابلة انها تكون العشيقة
واللي مالكة حق رسمى مش سريقة
والحقيقة.....
انى وحدى بس انا اللى اتخدعت.
قالوا خطى الدرب آمن بس ضعت.
قالوا فرحك بان بيانه واتوجعت.
بس خبيت الوجيعة جوا قلبي مرتين
مرة لما كسرت خاطرى ،ولخواطرهم جبرت.
ومرة لما مسكت ايدى عشان تعرفني عليهم
قلت عني أغلى أخت .
مساحة إعلانية
مساحة إعلانية
.jpeg)
