مساحة إعلانية
ولا عمره كان الوجع ينفع دوا لعلاه
ولا عمره كان الزمن للواطى يوم علاه
خليك مع اللى خلق لوليك عليها غرض
ومها زاد المرض ارمى الحمول ع الله
..........................................
أوعى تلوم ع الردى بالسر يوم لوباح
واياك تلوم ع الكلب لو ما اكتفاش بنباح
هايروح لولد الأصول يشم فيه ويعض
مبليه هيه الأرض مسكونة بالأشباح
......................................
ياامايه ليه الوجع لابسينه هدمه وتوب
صابرين كتير ع البلا والوعد والمكتوب
يادنيا حجرين رحى ال مااتطحن يدش
وكل يوم ليكي وش بهدلتى ليه أيوب
.........................................
لٌه قلب قاسى الزمن ما عرفشى فين جالو
شاربين مرار براميل والفرح فنجالو
كاتب علينا الزمن ان الهموم ماتزول
والفقر لو صاب زول يقعد له فنجالو
مساحة إعلانية
