مساحة إعلانية
مساحة إعلانية
من الموال الرباعي شعر: عبدالله أبوغدية –نادي أدب نجع حمادي ***********
دبلت فروع الوداد لما السنين فاتت
والقلب عش أمان ولا طيره فيه باتت
بنضُر شمال ويمين مالمحت غير الضما
الخلق صابها العما ولا القلوب ماتت
...............................................
فى ناس ماليها الكُره عاملين فيها مشايخ
لما فتوا لينا العيش ما لنشي ولا صايخ
الضحكة مالية الوش وفيهم قلوب جاحدة
واقفين على الواحدة بينقوا ف المصايخ
. .................................................
قلوب مافيها التُقى بالفتنة جُم خبصوا
كانوا ف الميزان عاليين ف عيونى ولا نقصوا
لعبت معاى لايام باعونى ب ارخص تمن
يوم جانى غدر الزمن اتحزموا ورقصوا
.................................................
مش كل عالم قرا تلقي خلايفه تسُر
ولا كل جاهل غبى من نسله خلفه تضر
ولا كل فقرى اتبلا راح للحرام ومال
ولا كل صاحب مال تلقاه نزيه أوحُر
مساحة إعلانية
مساحة إعلانية
