مساحة إعلانية
مساحة إعلانية
مادين أيدينا
لا طالبين مال ولا جاه
مين يخاف م الموت
إذا الموت جاه ؟
عارفينه
وع السكك بنتلقاه
طالبين بس ضحكة
نكمل بيها الحياة
لا خُنا يوم بلدنا
ولا خُنا يوم دينا
وعشان ما بنخافش م الموت
الموت بيخاف مننا .
بلد بتسد دين
مهوش دينها .
عارفة من قبل الحياة دينها
يا مصر
يا معنى للخلود
ياللى اتوجدتى
قبل الوجود بوجود
قبل الكون ما يكون كُنتى
وقبل الأنا
بنقول انتى
مصر اللى شعبها صبر
مصر اللى جيشها عبر
هِمة وعزم بجد
رجالة عبروا القنال
ورجالة بنوا السد
مرسومة ف وشوشنا
ملامح الطيابة
احنا ولاد الناس الغلابة
ربى سماكى الكنانة
ويوسف صان الأمانة
يا لقمة ف أيدينا بتتقسم
يا دمعة ف عنينا بتبتسم
يا أم الخضار والنجيل
يا حجارة من سجيل
يا شيخ بيرتل القرآن
وصوته صداه إنجيل
لا ها تخوفه ولا تكتم صوته
شعب واهب حياته
لوطن هو دنياته
لو مات
هيعيش بعد موته
ولادها حالفين يمين
أدخلوا مصر آمنين
كما قال رب العالمين
مساحة إعلانية
مساحة إعلانية
مساحة إعلانية
مساحة إعلانية
مساحة إعلانية
