مساحة إعلانية
مصر اللي هى أم التاريخ
وام المداين ألف ألف
مددين مدد
مددين ياطاهره يا سيدة
يام العواجز مدى إديك واحضنينى
جوا نورك
وف بخورك
وبحضورك
لملمينى
هدهدى الطفل الصغنن جوا منى
واقبلينى
ازرعينى ف نور عنيكى
واسمحيلى أغيب واجيلك
فوق حصيرك افرشى للقلب
ضلة
قربى الشطين أعدى
مدى أيدك زاد
وقلة
شخبطوا لوحة تاريخك
اشخطى ف الغرب
ياله
يا حبيبة الصبح قرب
امسكي خيط البداية
واسحبيه
وف وريدى اشبكيه
علمى الدنيا المحنة
لونى كفوفك بحنة
بدلى الآهات بجنة
جنب نيلك
واسمحى لى أغيب وأجيلك
أترمى فى حضنك يا غالية
واشتكيلك م اللى شفته
بعد منك
مساحة إعلانية
