مساحة إعلانية
مساحة إعلانية
بَص ف عنيا وقالي مستورة
هتعدي لزمًا والحياه هدور
واذا كنت عشت ب كسرتك فترة
ربك ف إيده يصلح المكسور
..............................
حِس ب نعيم الدنيا و اشبع بيه
وبلاش تطبق ع الفرح إضراب
الدنيا حلوة و وردة ومفتحه
انتا الي غاوي تشوفها بس خراب
..............................
غلبان وفاكر كل شيء زيه
طيب وتوب الشقيانين زِيه
يديك قوليبه ان مره تحتاجه
وماتلقي وسط المخلصين زيه
..............................
ف عنيه طريق جواها جنة وخير
والعيشة صعبة وكله خلف الشيش
الدنيا تدي بس للي معاه
الدنيا قادرة وصعبه ع الحرافيش
والسهل ديق والي لينا تراب
..............................
تُنسى كأنك عشتها ف سرداب
لا تشوف ف ضهرك خل ولا أصحاب
ولا حد يمشي ف دفنتك حتي
عاش الحياة يسمع ل كل الناس
و ف حزنه يشكي همومه ل مخد
..............................
قلتلو قاصد إنه بس يفوق
مين الي سندك أما يومها غميت
بلم وبص ل صورة متعلقة
وما جاش ف بالي ب إن قصده الحيط
مأساه كبيره ودنيا م التلكيك
المُر طعمه بيختلف ع الكيك
يالي انت فاكر إن حد شاريك
ركز وشوف الكدر رايح فين
كل اللي كانو ف الصور صُحبه
بقو هما أكتر خلق ليك بايعين
..............................
بطل تحب ب قلب عيل بقا
الدنيا سوده بس متزوقه
ف تبان ف عينك شيئ مثير للشوف
هنعيش ل إمتى ياصاحبي بس ف خوف
هنعيش ل إمتى ب نبني ف الملهوف
ونقول هتفرج والديون ب تزيد
صحبي اللي لسه بيمشي ف العشرين
لو شفته تظهر ف العيون تجاعيد
..............................
خايف عليك منك ومن صاحب الجنيه
خايف عليك مني ومن قولت خلاص
بابا نويل كان يوزع ف الهدايا وشالنا
بدل السكاكر كان نايبنا رصاص
..............................
الحظ رافض ينصفك دايمًا
والضلمة حابة تطلعك خواف
في ناس بدون مجهود تقوم تظهر
وانت اللي متمرمط مُحال تتشاف
..............................
ولد الفقير مش زي ولد الغني
الحق رافض بصو ع الفهلوي
عاوز اللي ابوه عنده وعمه معاه
الفقر حابب صحبتك دايمًا
بس الغريب ليه صحبتك حباه
..............................
صعبان عليا و إي ب إيدي اعمله
نفسي الطريق لو ندخله نكمله
ونلاقي روحنا ومبتغانا هناك
ليه أي سكه نمر فيها نشوف
فركة قدمنا ل أي حته هلاك
..............................
هاا لساك بتضحك والزمن دارك
والدنيا 100 ل صفر ف الفورة
سلم عليا وخدني ب الأحزان
بص ف عنيا وقالي مستورة.
مساحة إعلانية
مساحة إعلانية
