2026-09-08 13:25:05
مساحة إعلانية
ع القل ياااارب شاكرين
د الستر ف الدنيا نعمة
و الحمد ف الشدة فاكرين
كرمك نشوفه ما نعمة
..........................
كتر الهموم دوبتني
و الكل سايق الملامة
و الحيل اشده وبتني
علي وشي باين علامة
..........................
تحكيش ف قعدة مع اغراب
و لسر بيتك تبيعه
تنبش ف القول كغراب
و الخفة تبقي تبيعه
...........................
ولا كعك ينفع و لا هدوم
ولا تل ماله هدية
ان زعلي منه رح يدوم
انا اصوم واسيب العيدية
........................
تصاحبش يا ولدي هلاس
له سمعة تعدي الصحايب
معروف بيهد ف الساس
و يعر حتى النسايب
.........................
تصاحبشي م الخلق سهتان
ولا مرة نضره يغضه
ومن يسعي ف الجحر تعبان
يستاهل انه يعضه
............................
وصباحك اللى على الريق
د دواي و القلب دايب
العشق لو يبقى ف ريق
أخد كبير النوايب
.............................
الهم طافح و ليه عم
حتى الجنين له مدامع
تسلمش م الخلق يا عم
لو كنت تخطبف ف جامع
* مبادرة "كل يوم شاعر" التى يعدها ويقدمها الشاعر حمدي حسين_ فنون قولية
مساحة إعلانية
