مساحة إعلانية
مساحة إعلانية
كنت فين العمر كله ....كنت فين
طال غيابك عن عنيه...والمسافة خطوتين
لسه فاكر اشتياقي من ورا شباكي واقف
وانتى واقفه قصاد عيوني
نفسي اقولك بس خايف
كنا لسه صغيرين مرت الأيام سريعة
جوا فصل المدرسة قلت هبقى فى يوم مهندس
وانت تبقى مدرسة
بس عزالنا خانونا ...لفقوا لينا كلام
قالوا شايفه حد غيرك
لانت فارس فوق حصانك
بتناديلك فى المنام
ولا ترضى تبقى طيرك
والحياة عشة حمام
قالوا عنى شب طايش
كل يوم مع واحدة شكل
الغرام ميثاق مقدس بس بالنسباله أكل
زى بدله بيعاملهم
يرمى واحدة بعد مايعلق مصيرها
يلبس التانيه فى دقيقة وينسى غيرها
زى حفلة تنكرية كله تايه فى الزحام
والطريق غير مساره والغرام مبقاش غرام
لما شفتك ماسكة ايده
وانتوا ماشيين فى الطريق
لما شفتك بتناديله...أغلى من اخ وصديق
لما شفتك وانتى جنبه... كنتى روحه ونبض قلبه
قلت على روحي السلام
مش قساوة كان غيابي
كان غيابي هروب وخوف
ينكشف شوقى وعذابي
او لعشقى عينيه تشوف
قلت ابعد يمكن البعد يداويني
يمكن انسى يمكن اعرف حد تاني
حد شبهك
مرت الايام ولسه قلبي دايب
لسه وحدك نور عيوني نبض قلبي
عزوتي.. واغلى الحبايب
كنت له.. واناغصب عنى بقيت لغيرك
والحياة وشين جنية
فيه كتابه وفيه ملك
فيه حنين وأنين وغيرة
و السنين بين شوق وحيرة
غلـّبتني وعمرى مانسيت اللى كان
عمر ما الذكرى خانتني
بس لسه بقول يا ريتني
وما على العاشق ملام .
مساحة إعلانية
مساحة إعلانية
