مساحة إعلانية
مساحة إعلانية
قسم الاستماع السياسي
قال الرئيس عبدالفتاح السيسي إن اليوم وغدا إن شاء الله هنحكي حكاية بلدنا وكان فيه حوار وطني اطلقناه من السنة اللى فاتت وقلنا نتكلم ونسمع بعضنا والنهارده هنحيكلكوا الحكاية بتاعت مصر من 2011 لحد النهارده".
جاء ذلك خلال كلمة الرئيس السيسي فى افتتاح مؤتمر حكاية وطن.
يشهد اليوم الأول جلسات تركز على محاور الاقتصاد ويشارك فيها كبار الوزراء حيث يحضر الدكتورة هالة السعيد وزيرة التخطيط والتنمية الاقتصادية، ودكتور محمد معيط وزير المالية، وأحمد سمير وزير التجارة والصناعة، ودكتورة رانيا المشاط وزيرة التعاون الدولي، وتتناول هذه الجلسات سياسات وبرامج الحكومة في دعم الاقتصاد المصري.
أما عن اليوم الثاني، فيشهد جلسات تركز على قطاعات الطاقة والبنية التحتية، ويشارك فيها دكتور محمد شاكر وزير الكهرباء والطاقة المتجددة، والمهندس طارق الملا وزير البترول والثروة المعدنية ويتم خلال هذه الجلسات مناقشة مشروعات قومية كبيرة وجهود تطوير البنية التحتية.
بينما يشهد اليوم الثالث والأخير جلسات تركز على مجالات السياسة الخارجية والأمن القومي، ويحضرها سامح شكري وزير الخارجية والمستشار عمر مروان وزير العدل، واللواء محمود توفيق وزير الداخلية، يتم خلال هذه الجلسات مناقشة قضايا الأمن القومي والعلاقات الدولية.
فيما يتعلق بالجلسات المخصصة للعدالة الاجتماعية والصحة تشهد حضور د خالد عبد الغفار وزير الصحة والسكان، ود نيفين القباج وزيرة التضامن الاجتماعي، وسيتم ختام الفعاليات بجلسة ختامية تجمع كبار المسؤولين لاستعراض نتائج المؤتمر والتوجهات المستقبلية للتنمية في مصر.
وبعد أن عرض الدكتور مصطفي مدبولي كافة ما تم خلال التسع سنوات الماضية وبتفنيد دقيق وبشرح وافي .
عقب الرئيس عبد الفتاح السيسي، على كلمة الدكتور مصطفى مدبولي رئيس مجلس الوزراء، قائلا: "مش هعقب على الكلام الكتير والكبير والعظيم اللى شرحه رئيس مجلس الوزراء.. وخلال العروض القادمة يكون لنا فرصة أننا نتكلم".
ووجه الرئيس عبد الفتاح السيسي، رسالة للشعب المصري، قائلا: "كلمة واحدة عاوز أقولها للناس.. ده اللى إحنا عملناه وعندكم فرصة في الانتخابات الرئاسية اللى جاية.. عندكم فرصة للتغيير.. حد يقول كده.. اه بقول كده.. الأمر كله لله.. اللي ليه حاجة ياخدها".
تحدث الرئيس عبد الفتاح السيسي، في بداية افتتاح مؤتمر "حكاية وطن بين الرؤية والإنجاز"، قائلا: "بقولها من أول الكلام.. دي دولة ومشكلتها في السنين اللى فاتت.. هزوا ثقة الناس فينا.. ثقة الناس في نفسهم.. الناس استكتروا على نفسهم طريق وكوبري.. قالك كتير.. ده لسه بدري أوي.. لسه بدري أوي من العمل والجهد والمثابرة.. البناء والتنمية والتقدم.. تمنه الجوع والحرمان.. اوعوا يا مصريين مش تقدموه.. تم زرع التشكيك داخل المواطن تجاه الوطن".
قال الرئيس عبدالفتاح السيسي، عما أثير حول ازدواج قناة السويس: الكلام ده كان بيتعمل وأنت مش بس بتحارب إرهاب أنت عندك أبواق.. كذب وافتراء وشائعات شغالة تقدح في كل إجراء ومسار تعمله.. أنت كمان مش محل تقدير من ناسك اللى بتعمل لأجل خاطر ربنا وخاطرهم.. لا ده كمان بيتم الإساءة لك والإساءة إلى مسؤوليك هما وأسرهم.
وأضاف الرئيس السيسي: مفيش حاجة بتروح عند ربنا .. كل كلمة كدب وإساءة ليها أجر .. والمسؤول اللي أسئ ليه وبهتان ليه مش هيمشى كده .. بنؤمن بالله هنقف ونتحاسب واللي هيحاسب ربنا اللى لا بيغفل ولا بينام .. وكل تفاصيل المكر والافك على مصر خلال الـ 10 سنوات اللى فاتت امتداد لبناء حالة من عدم الثقة للإنسان المصري تبقا جزء من الشخصية المصرية .. تبقا متشككة غير واثقة في نفسها وبلدها .. بناء فكر وجداني اتعمل خلال 40 و 50 سنة ويعتقدون انهم يقدروا يبنوا امة ولا تبنى الا البناء والإصلاح فقط لا على الخراب ولا الإساءة ولا بالتشكيك ولا الظلم ولا بالهدم.. لما أقول عمل عمله مسؤول انه منقوص او فاسد بظلمه وبظلم جهده وعمله وبحط على العمل بتاعه تراب.
وأضاف: الثقة المفقودة والأمل الضايع كان أول حاجة إننا نعملها في قناة السويس إننا نعمل مشروع نجمع الناس حواليه وإحنا بنعمل ده كان الدكتور أشرف سيلمان كان وزير الاستثمار، قال احنا نخلى بالنا إن إحنا عاوزين نعمله باقتصاديات قولتله عاوز أدى الأمل للناس وقولت هنعلن فتح باب المساهمة في إنشاء القناة بـ12% فايدة ، وكانت الفائدة 10.5% ويا كامل يا وزير ربنا يكرمك ده ما كانش يتعمل ابدا في سنة أبدا أبدا والبانى طالع.
وتابع الرئيس عبد الفتاح السيسي: 64 مليار كانت عوائد الحكومة هتدفعها وهتبقى عبئا على الحكومة وبقى في التزام عليا كدولة انى ارجع الأرباح للناس لكن كان العائد المعنوى في جموع المصريين كان دخل القناة من 4 إلى 4.5 احنا النهاردة لما اتعملت قناة السوبيس النهاردة بنقفل الـ10 و10.5 السنة القادمة.
وجه الرئيس عبد الفتاح السيسي، رسالة إلى الدكتور مصطفى مدبولي رئيس مجلس الوزراء، قائلا: "بشكرك يا دكتور مصطفى.. كنت بتمني الجمع الجميل.. تاخدهم والسادة الوزراء ويتم تقسيمهم على كل وزارة.. وفرصة للإعلام.. فيه فرصة للأشقاء وأهالينا.. للتعرف على العاصمة الإدارية الجديدة".
قال الرئيس عبد الفتاح السيسي بنقدم حكاية وطن.. وفي ناس معانا سياسيين.. حد يقول عندكم فرصة في الانتخابات.. قال الله تعالى "بسم الله الرحمن الرحيم.. قُلِ اللَّهُمَّ مَالِكَ الْمُلْكِ تُؤْتِي الْمُلْكَ مَنْ تَشَاءُ وَتَنْزِعُ الْمُلْكَ مِمَّنْ تَشَاءُ وَتُعِزُّ مَنْ تَشَاءُ وَتُذِلُّ مَنْ تَشَاءُ بِيَدِكَ الْخَيْرُ إِنَّكَ عَلَى كُلِّ شَيْءٍ قَدِيرٌ".
وأضاف الرئيس السيسي: ما حدش هيدي حد حاجة.. وما حدش هياخد حاجة من حد.. إذا كتير من الناس.. الحملات والسياسة والكلام من هذا القبيل.. يا ترى عندنا يقين حقيقي في ربنا.. محدش ياخد أكثر من نصيبه وهل يقبل نصيبه ولا يقاتل.. القتال فقط من أجل الوطن والبلد.. لكن نصيبه ده من ربنا.
أكد الرئيس عبد الفتاح السيسي أن حلم المصريين كبير، متابعا: لم يتم تغطية التطوير الإداري الكبير والعمل داخل العاصمة الإدارية بالشكل المطلوب في الإعلام.. وأنا هروح مجلس الوزراء في العاصمة الإدارية.. ويتم تنظيم زيارات لضيوف المؤتمر من أجل التعرف على المقرات الحكومية.
وأضاف الرئيس السيسي، خلال كلمته في مؤتمر حكاية وطن بين الرؤية والإنجاز: مش عاوزين تجبوه في الإعلام كويس.. هل ينفع صورة وزارة التموين تكون اليافطة الخربانة التعبانة؟!.. حلم المصريين أكبر من كده.. اوعي يكون حلمك لقمة.
مساحة إعلانية
مساحة إعلانية
