مساحة إعلانية
مساحة إعلانية
وبيقولي أنا ضيفك،
وضيف اهل الكرم مكروم،
أسرني السعي ورا طيفك؟!،
ياغاسله القلب من لهموم،
تعالي ،خطي براحه ،ودوقي الود والفرحة،
ياشجرة ورد فواحه ،وفوق خد الجميل طارحة،
خلاص هسكت ومش قادر ،
اكمل خوف من اللايمين،
يقولوا بسحرها النادر،
لقاها ازاي وجابها منين،
يا نن العين من جوه ،
يا ست الحسن يا عمري،
خضع قلبي وبالقوة،
ياريت كان الهوى بأمري،
هخطي بيكي احزاني ،
واقيم الفرح ليكي سنين،
واقول: سهم الهوى رماني
وصرت خلاص من العاشقين،
قولولي بحق نجم الليل،
وحضن الموجه للمرسى،
كلامه حلم ليه تأويل؟!! ،
سمعتم بيه ولا لسه؟!!،
حكاوى كتير سمعناها ،
وكان الراوى سيد الناس،
واكتر منها عشناها ،
نغم عالي و وتر حساس ،
ولما فض سامرهم ،
ولموا خيام لياليهم
فاتونا ف نار جمايرهم ،
كأنه كان كلام وخلاص.
مساحة إعلانية
مساحة إعلانية
مساحة إعلانية
مساحة إعلانية
مساحة إعلانية
