مساحة إعلانية
مساحة إعلانية
قاعد وفارد فى الخلا طولك
ياعم راعى الأدب طب لم فى رجولك
نايم مأنتخ ولا حد فى دماغك
لو حد شافك كدا طب إيه يقولهولك
الرد واحد وف لحظه يوصل لك
ساعة ماتلقاهم في التو هيجولك
تلقا القفا يلسعك ولا انت إيه قولك
وساعتها تقعد محترم والناس تسقف لك
بدل ما قيمتك هترخص
أو ينخفى نخفى زولك
******
يا ميت خساره ع اللى باع أصله
والفن أصبح ف الأساس تكويش
مايهمه غير المصلحة
أما المبادئ منظره وتهويش
إيه يعنى نونو والمسائل تتظبط
عايز يحوش م الفلوس تحويش
خللوه يزود فى الرصيد ملايين
بس احترامه فى القلوب مايجيش
******
أنا جاى علشان اغنى
واياك ماتسقفوش
دانا مطرب مش قليل
حوش عنى الكل حوش
بالذوق بالعافيه صوتى
روقان من غير رتوش
سامع واحد بيشتم
ويقول حوشوا الهموش
إياك أسمعها تانى
وساعتها ماهارحموش
لو كان مش عاجبه صوتى
الرأى ماهاسمعوش
انا واحد عايز أغنى
وعايزكوا ماتزهقوش
واللى هيزهق يروح
وفلوس عندى مالوش
دا مفيش فى الفن غيرى
ولا فيه شطه و شاكوش
هافضل ادندن واغنى
لو هاملا الكون نعوش
******
ياعم عيب اختشى
بتقل قيمتك ليه
ازاى تسيب الأدب
والهلس تمسك فيه
والرقص والمسخرة
جوه الحرم نلاقيه ؟!
قالوا زمان في الحكم
قوم للمعلم واشكره
وان شئت بوس أياديه
لكنه لو ينحرف
عن منهجه ومعانيه
الكل يجرى وراه
وبالحذاء يعطيه
مساحة إعلانية
مساحة إعلانية
