مساحة إعلانية
قرشين صاغ
اجيب بيهم لبان نداغ
وحتة بريزه على فضى
ما اهو اتوضى .
وشاب القلب من عضه
ومخمخ حتى بسجارتين
ف حلمك ليه
يدوب ساكتين
واخش بروحى واندهلك
ألاقى اتنين
اهم حطين
وعقب قزاز لخماره
يتوه القلب ف سجاره
ف كام برواز
كان الحلم متكسر
كأنه قزاز
ولو معدتش تستاهل
أنا الــ جاهل
وكلى خوف
أنا اللى تملى بندهلك
وأكملك بحته صوف
بــــ كل ظروف
منيش حدوته تطلعلك
وترسملك
خيوط وحروف
ولو يتسد كان بقي
ماكان الجوف
ولو خبونى وارتاحو
ولو ساحو
فـــ مطراحو
اكيد معروف
أنا اللى تملى ليك هفتان
ومهما أن دق ليها بيبان
أنا الــــ عطشان
ببلة ريق
ولو حتوه فــ اى طريق
ح اشيل الحلم وارجعلك
كأنى ابريق
وليل الضلمه كان حايش
أنا الــــ عايش
وبتعايش
وصاب القلب كام رايش
أنا الـــــ بايش
ف ريحة دم
ولما ألم مكان الهم
بريحة سم
كان طايش
أنا الـــ عايش
ويوم ورا يوم
ومهما الخلق فينا تلوم
ف يوم معلوم
ح نتحاسب
ومهما القلب كان راسب
اكيد ح تعوم
مساحة إعلانية
