مساحة إعلانية
*مرثية للشاعر الراحل أشرف البولاقي
هناك
عند الشجرة القديمة
طريق طويل
بس في الآخر مفارق
الشارع اتقسم لــ تنين
شارع بيشبه التايهين
والتاني بدون يدين أو رجلين
بيزحف ناحية الوادي البعيد
وانت لساك بتلم فــ البواقي
وتكتب فــ اسمك
علي جدران الهوي
(أشرف البولاقي )
السواقي صرخة أم
لما بتنطلق بتغم
الحلم لم يكتمل
سن القلم علي الورق نزف
وضحك الألم خسف
بتعاند العند
يا أبا هند
وتهرب
تلم فــ الكراريس
وترجع لبرديس
علشان تنام
ياسلام
مين الـلى هيكون هناك
يوم التلات
تشرب شاي
لا شكرا أنا شارب
اللغه مش مجرد هبش
ولا رص طوب أو دبش
اللغه شيء حي
لو اتكعبلت مرة
تسمعها بتصرخ أي
هي ست حلوة وشيك
مش قابله للتشكيك
لو تحتويك بصحيح
تبقي أنت بس فصيح
تتعاجب أوي فــ اسمالك
والكل من حواليك
بيدور فــ أفلاكك
كتير اللى قبلك م التعب نام
وكتير اللى قبلك فات
مين اللي هينتظرنا
يوم التلات
٢٦/٤/٢٠٢٦م
مساحة إعلانية
