مساحة إعلانية
نصر هاشم
عجين أمي
ولما تغنى وتسمى
ويدب غناكى وتضمى
واشوفك وانتى بتهمى
طب ياله بقى لمى
اللى واقع م النهار
ع التوت
ساعة م افوت
وألمحك
اكمنى لسه بندهك
اسمع عديد البيوت
مفلوت
تطلع ليالى الضى
ساعة م افوت
لمى البراح والحى
انتى اللى ساكن
عيونها ... شى
كان البكا احلام
كان الغنا اوهام
مسدوده ياسكة
اللى كان
فــ الحر قول تخاريف
وانا وانتى يدوب
تخاطيف
بدون تعاريف
بشد القول واوصلك
عجين أمى اللى كان
لامك
فــ ساعة ضى
يدوب همى اللى
كان نى
بيحسك
خلاص نسيتى
اللى كان داسك
فـــ عب وروح
عجين أمي اللى كان
مجروح
كلام أمي اللى كان
مفضوح
مساحة إعلانية
