مساحة إعلانية
قلبى بيتنرفز احيانا
م الورقه اللى باخط عليها مكنون الصدر
قلبى ماعندوش ذرة صبر
وبيحلم احلام فوق طاقته
وبيكسر إشارات السير
وان قابل محتاج فى طريقه بيتملى بالخير
قلبى ماهوش قلبى ومش غير
لكن مطلوب منى أحايله
إن مال مطلوب اعدل مايله
وان مشى معدول تتعوج الناس
فيبصلى بصة متحير
وارد عليه انت مخير
فيشط لفوق
نبضاته تقوم تصرخ فيها
١٠٠ صرخة شوق
لعيون كانت دايما ساحراه
وان شافها يقول الله والٱه
ويفكر فى العمله يتاجر
مع انه لاشاطر ولاتاجر
ويقلب فى بطينه لعله
يهتدى لأثار
قلبى دا مكار
بيزين كل قبيح ويبيح اشياء محظوره
ولو اتصورت يخاف يطلع وياى فى الصوره
وان مره حاولت اكون الصقر يكون عصفوره
ويقوللى زماننا زمن عصافير
قلبى انا حملته معايا كتير
مشورته معايا كتير مشاوير
ماوصلش لبر
نام وبيجتر
وعانانى معاه اكبر معاناه
شاف سكه بعيده سلكها وتاه
غطيان الكولا لضمتها عقد يزين الصدر
ومشيت بعصايتى وتوبى الرث اقول للناس
قلبى ياولداه
مساحة إعلانية
