مساحة إعلانية
مساحة إعلانية
وقطر العمر بيعدي
ويدهس فينا أحلامنا
لا بيهدِي في يوم بينا
و لا سابنا لأيامنا
نحايل فيه
يجوز نراضيه
بضحكة حزينة مكسورة
بخطوتنا بنجري معاه
نحاول إننا نجاريه
تعود الضحكة مقهورة
و تتدارى ف جدار الروح
تلاقي حيطانها ناشعة جروح
فترجع طعمها حنضل
و تفضل مني هربانة
في ليل وسكوت
و في الملكوت
تطير من نخلة للتانية
لشجرة توت
ناديتها كتير عشان ترجع
قالت لي ازاي
دا جسم ملان بكا و أحزان
بعيد عنه هاعدي و افوت
و نِسيِّت إنها عنه
إذا بعدت
أكيد هاتمــــــــووووت
القصيدة منشورة على صفحات عدد يناير ٢٠٢٦م من "مجلة صالون لمياء حمدي الثقافي"
مساحة إعلانية
مساحة إعلانية
مساحة إعلانية
مساحة إعلانية
مساحة إعلانية
