مساحة إعلانية
مساحة إعلانية
آيه عامر
ويوم ما هيسألوني عليك..!
هقول مش فاكره شئ عنه
هقول اني ماشفتش شئ وحش منه
هداري كتير في قلبي كلام
هبين انه كله تمام
ولا هتهز ولا اعيط
فيه جرح ف قلبي لازم انه يتخيط
ناولني الإبره من إيدك إلي إيدي
ظننت اني هكون وياك وهفرح انه يوم عيدي
لكن لا فرحت ولا نيلة
ومن بعدك غريبة الدنيا وتقيله
مفيش في ايديا غير انِي
ادوّر عاللي تاه منِي
والِم فــ ذكريات زايفة
اجمّعها....والمّعها
عشان ما بقاش فــ يوم خايفه
عشان مابقاش فــ يوم حاسه انّي متسابه
وهنكر ان جوايا فيه ذكري قديمه كدابه
لانّي اكيد ماحبش اكون هنا لوحدي ومنسيه
ولو سمعوا بحكايتي معاك
يقولو بإنك الجاني علي ضحيه
غيابك شئ قتلني صحيح
لكن بُعدك حبيبي مريح
وهكدب ليه وهتمسكن
مانا فعلا ضحية قلبك القاسي
عملت انا كل شئ لاجلك
وفــ الآخر تقول ناسي
سلام علي حب كان بينا
سلام علي قلب من بعدك
لا داق فرحه ولا اتهنا
ولسه كمان بحِن اليك
وبطَّمن حبيبي عليك
وكاتمه فــ قلبي جوايا
وحاسه بروحك الباهته هنا معايا
انا عايشه علي ذكراك عشان يمكن
تحِن فــ يوم وترجعلى وتسكن
جروح جوايا محتاجه انها تلقاك
وقلب كبير بيطمن حبيبي معاك
انا مش حاسه اني بخير
ولا قادره أكمل سير
وبا فتكرك فــ كل مكان
ونفسي بس ترجع ليا زي زمان
عشان انا قلبي مش مبسوط
وبفتكرك حبيبي بموت
وروحي كإنها طالعه
وباتشهد واقول الله
ياريتني هواك ما كنت القاه
عشان انا لسه عايشه حبيبي
وبعدك عني مش حاباه
مساحة إعلانية
مساحة إعلانية
