مساحة إعلانية
مساحة إعلانية
بعد كل الصراع
وكل البتاع
اللي سموه الطموح
وسنين طلوع الروح
من اول المريلة
وازاي يحل المسألة
و من الى .. برهن على
والفاعل والمفعول
و المبني فــ الجملة للمجهول
والنظرية والنسبية
والتفاحة الواقعة بسبب الجاذبية
والعلمي والادبي
وصاحب صاحب متربي
والثانوية و سنين غُلب الكلية
واللي زرعه و إستناه
واللي عاناه ثم جناه
برواز واتعلق ع الحيط
كل ما عينه تيجي عليه
يلعن فيه
كان متراهن مع نفسه
يلاقيها ويعليها
دايرة فرحة يسكن فيها
دخل الدايرة ..
تفاصيل بتودي على مفيش
ومفيش بيودي على مفيش
ملقيش
لف ودار لساه حاير
الدايرة فاتحة على دواير
عمال يحرق فــ سجاير
عمال يجمع فــ خساير
ملهاش اخر
خلص كل محاولاته
اُستنزف من بره وجوه
بهتان من بره وجوه
استسلم تعبان
خسر نفسه والرهان
مساحة إعلانية
مساحة إعلانية
