مساحة إعلانية
مساحة إعلانية
رد عليا هتخسر ايه؟؟؟؟
لو بالكلمة تطيب خاطر
لو بايدك تمنع لمخاطر
لما هتأذى بتكسب اية؟
---
لو تتنازل يوم عن كبرك
لو تتودد للي يحبك
هتبقى نني جوا عينيه
حاجه بسيطة هتخسر ايه؟
---
لو تستكتر نعم الغير
لصاحبك كاره كل الخير
وعينك حاسد تجني عليه
رد عليا هتكسب ايه؟
----
لما تنم ما بين الناس
وتكون كاتم للأنفاس
صحي ضميرك اغُم عليه
ورد عليا هتكسب ايه؟
----
لو بتقضي كل الواجب
وقت الشدة ما تلقى الصحاب
وما يعوذك تجري عليه
رد عليا هتخسر ايه ؟
----
لما ذنوبك تبقى تلال
ونفسك رايدة عيشة حلال
ادعى لربك وارجع ليه
رد عليا هتخسر ايه؟
----
لما صوت الحق ينادي
وايد الباطل تجري تهادي
لندا ه لبي ورد عليه
رد عليا.. هتخسر ايه؟
----
لو ارحامك مش رحمينك
ارحم انت عامل دينك
لو على قلبك قسيوا عليه
رد عليا هتخسر ايه؟
----
ياللى تبات الليل بكيان
علشان غلطة أو شىء كان
ارمي حمولك بس عليه
ورد عليا هتخسر ايه؟
----
مهما تعيش الدنيا مفارق
بس الفارق
ان الداخل غير الخارج
وان مابينهم قصة قصيرة
تشهد بيها لسان وجوارح
وكأنك ولا عشت امبارح
وتعاتب نفسك وتلوم
خلونى ارجع يوم للدنيا
وأصلح حالي لو مهزوم
وهقول للي مايعرفنش
ازاي حال الناس ف الآخرة
وانك لما تكون متصالح
مش غاوي لذنوب ومصالح
حتى العاصي حن عليه
تلقى الدنيا مُسخرة ليك
ونفسك راضية وفرحانة بيك
بعد دا كله هتخسر ليه؟
مساحة إعلانية
مساحة إعلانية
مساحة إعلانية
مساحة إعلانية
مساحة إعلانية
