مساحة إعلانية
مساحة إعلانية
البلحات إللي يستحقهم أبن الأصول المحترم إللي حط امتحان الإنجليزي لازم يبقوا حجازي أو فالق ع النص او عالخناق وبالنسبة للقيسة الملدحة إللي هتفضل في العرجون فقد كانت من نصيب نيوتن ورفاقه ممن كدروا صفو الأسرة المصرية دون رحمة وقد دارت بين أحد أولياء الأمور الكادحين وبيني أحاديث لا استطيع ان اذكر منها إلا
....القيسة الملدحة وحدها منتفعش دا المفروض يطلع غرد الصحة حافي في القيالة ونشيله زبل أخضر ووراه واحد من جماعتنا إللي كانوا بيطفحوا الكوته عشان الدروس الخصوصية والمنصات الالكترونية والملازم الوهمية والمواصلات المضنية وكل ما يقول آه قوم يفتكر بكا عياله ويشمطه بالقيسة الملدحة ووراه كل عيال الشق بشروخ الزيتون الأخضر واليابس وهات يا شمط لغاية ما يعرف أن الله حق وأن نيوتن مش هينفعه وأن الجامعات الخاصة مش كل ناسنا يقدروا على تمنها ولما يوصلوا الصفاحة شرق يربطوه من رجليه ويكركروه في العقول لغاية لما....ودانه نشر دم فقلتله برده ودانه إللي تشر دم قاللي مشيها ودانه والله يباركلك ياللي حطيت امتحان الإنجليزي خليتني أول مرة أسمع كلمه الحمد لله رب العالمين من بتي الصغيرة وعموماً أنا محضرله بلحات في أطنان علشان المحترم النبيل الإنسان إللي حط الامتحان ربنا ينجح عيالنا ويسقط جحامير على الراجل بتاع الفيزياء مكان التفاح بتاع نيوتن فقلتله بااااااااااه
دانت مضايق منه
قالي ربنا يعلم إحنا كنا بنطلع البت كيف من البيت كل يوم وخلي بالك كل يوم فيه دفع إلهي يدفعه في نقره ميطلعش منها ليوم الدين فسألته يا خال انتوا ممكن تخدوا معاكم حد قالي الموجود يسد والولد حاليا بيقلعوا الزبل عشان الإنسانية المعدومة والبلحات عشان الراجل بتاع الإنجليزي يستاهل ألف دعوة ومليون عزومه...ومخلف ثم قال سلم على عقبك
قلتله يوصل يا خال
ماكن والله
مساحة إعلانية
مساحة إعلانية
