مساحة إعلانية
مساحة إعلانية
استغفر الله العظيم.الواحد كل ما يفتكر الناس الاولانية اللي أسست المحبة في البلاد دي يزعل على نفسه ويزعل على الطيبة اللي بقت عيبه في ايامنا.دي افتكر ابويه اللي يرحمه ويسكنه فسيح جناته وأمي وأخواتي الكرام واهالي الخارجة اللي بدأت علاقتي بيهم في أماكن طاهرة زي بيوت ربنا ابويه الله يرحمه في أيامه الأخيرة كان ملازم جامع معاذ وانا كنت ملازم ابويه كأي طفل صغير جدا متعلق بوالده ودا اللي خلاني شفت الشيخ احمد حسن خالد والشيخ إسماعيل مجيد وكان فيه شيخ أزهري اسمه الشيخ عبدالرحيم وكان سمح جدآ ومبتسم وجميل الطفولة المبكرة من حياتي كانت مع ابي وأثر ذلك جدآ في تكويني النفسي والوجداني الشاعر المتواضع اللي جوايه وكمان اعمامي وأخوالي عمي الحاج معاذ وعمي محمود وعمي الشيخ الواعظ وكنا نقول عليه ابويه الشيخ وفي الواحة الجميلة بلاد أمي خاليةزكي المعاون وخالي فاروق وخالي صلاح والمرحوم الحاج محمد دسوقي الله يرحمه.المعاني الجميلة اللي جوا الناس دي كلهم رحمهم الله كونوا صورة صادقة لكل المعاني المشرقة اللي في الدنيا وزرعت جوا الواحد كلام كتير ومعاني أكتر عميقة جدا وبسيطة جدا جدا في نفس الوقت هو ان الإنسان يكون بطبيعته وان الناس مع الناس رحمه وان .الناس بالناس والكل بالله .بتمني من ربنا ان بلادنا تتقدم جدا .بس في نفس الوقت تتمسك بجذورها الأصيلة النبيلة الجميلة اللي بتكون جواه معني كلمة انسان
مساحة إعلانية
مساحة إعلانية
مساحة إعلانية
مساحة إعلانية
مساحة إعلانية
