مساحة إعلانية
مساحة إعلانية
أنا بأكتب للي بيشبهني
لا أنا شاعر ولا تحت التأسيس
ولا بأملِك كارنيه أىَّ صالون
ولا عُمرى أنا كُنت لرابطه رئيس
لا بأسِن سناني لدعوة بيت
ولا معرَض وأتربَّع وجليس
أنا كل اللي قريتُه الواقع
والواقِع بأعدله دون مقاييس
لا مثقف ولا عندى مَرَاجِع
ولا بأملُك مكتبه للقواميس
بأكتب بوضوح مفضوح جداً
يشوفوني ولو خَلف الكواليس
تقريرى كلامي ف تقديرى
ولا عُمرى بأخبِّي وهات تدليس
لا بألِف وأدُور ولا إستِعارات
ولا توريَّه وِحَداثه وتحديث
ولا عُمرى بأجُخ وهات تمثيل
ولا بأسرِق لإبن عروس وعريس
يكفِيني كلامي دا من جِلدى
وإن كُنت كتبتُه بدون تدريس
علشان الناقد يسترزق
من غَلَطي وراح يملا الكراريس
ويقول دا ضعيف وبدون رؤيه
لا جديد في الإسلوب ولا أحاسيس
أنا بأكتب مش ( حافظ ) لعروض
ولا ( شُوقي ) في قلبي
بيبقي حبيس
ولا بأوزِن محتاج قبَّاني
ولا بأشبِه ل ( نزار ) أو ( أدونيس )
أنا إسمي الحبكى هناك في النجع
الكل عارفني بدون سرفيس
وإن تُهت أبقي أركب ملَّاكي
راح توصل لو كُنت ف رمسيس
مساحة إعلانية
مساحة إعلانية
