مساحة إعلانية
مساحة إعلانية
الحج روحَك ع الفقير بتطوف
تغسِل فؤادك والبدن مشطوف
تستسمح المخاليق ترُد حقوق
وإن كُنت بتعُوق
( كعبه ) مش ح تشوف
رب العباد عالِم بإيه جوَّاك
سِرَّك وجهرك لو رَفَعت كفوف
إوعاك تسافر وف رَقبتَك شيء
سدد ديونَك تحت أىِّ ظروف
ترجع جنين وشهاده للمواليد
تبدأ حياتك تستهجَّي حروف
في ناس تحِج كأنها ما حجَّت
وفي ناس تحِج في بيتها بالمعروف
لمن استطاع يارب مش قادر
مشتاق ل بيتَك والفؤاد ملهوف
مساحة إعلانية
مساحة إعلانية
.jpeg)
