مساحة إعلانية
مساحة إعلانية
الناس بتودَّع بعضها بالأحضان
تستني القُطارت ع الرصفان
مكتوب في التذكره طوَّالي
وقبلي وبحرى
وعلي الأسفلت العربيات
ب ( عَجَل ) سَعران
وسفن ومراكب
في الأمواج وبحور بتسلٍّم ع الشطآن
وساعات الكف يادووووب بيسلِّم
لما التذكره بترفرف
وتكون طيران
وإنت يا رمضان
لا بتحجز ولا لك في مواصلات
أو في تذاكر
بتسافر فووووق
عند الرحمن
شايل الأعمال
ف أكيد مكتوب إسمي الإنسان
قصَّرت كتير
وكمان غلطان
لكن طمعان
لكن عشمان
وأنا عشمي ف رب كبير وغفور
رحمن ورحيم
أنا مذنب
هو كمان غافر وغفور غفار
عشمان ندمان علي خدِّى دموع
طالب غفران
مساحة إعلانية
مساحة إعلانية
