مساحة إعلانية
مساحة إعلانية
جواك اتنين
ماشين في نفس السكة
لكن على خطّين
مختلفين
دايمًا مختلفين
واحد عايزك تجري لقدّام
واحد يشدك ترجع خطوتين
قلبك مقسوم نصّين
نصّ عايز يعيش
ونصّ عايش حزين
مش سامع صوتك
فيه صوتين
ما بين هنا وهناك
حرب دايره
بينك وبينك
اتحشرت بين البنين
مسك العصاية آخرته
مكسورة حتّتين
كمّل جدع
خليك جدع
منتاش جدعين
اطرد واحد برّه
واقفل باب الوجع ليبقالك وجعين
وإن كلمة طلعت، تطلع من لسانك
مفكاش لسانين
فضّ الخناقة اللي في راسك
والحيرة والأنين
لتضيع في النص بين النصين
يا حزين
اصرخ فـ اللي يكلّمك
واللي عامل نفسه بيفهمك
واللي فاكرك مجنون وجاي يعقّلك
قوله: يمكن صحيح، ساعات كتير
جوايا اتنين
بس الأكيد
إنّي بوش واحد
مش وشين
ومسيره ييجي يوم
ويتقاطع الخطين
مساحة إعلانية
مساحة إعلانية
مساحة إعلانية
مساحة إعلانية
مساحة إعلانية
