مساحة إعلانية
مساحة إعلانية
1
(الدم ما يبقى ميَّة)
الدم صار....مِداد
يدهن الكرة الأرضية
بلون الحِداد...
الدم... أصبح سَواد
والحلم... أصبح سَواد...
لما الجراد...نسف الحصاد
رجعت البشرية... لأوّل السطر
الحزن...الخوف... القلق...القهر:
براكين بتصهر الأرواح
والجوع بينهش في القلوب
سماح....يارب السٌماح....
2
واقف قدّام المراية:
إنسان بيهين الإنسان
قصادُه في نفس المراية:
إنسان...مِتهان....
3
جُوَّانا نفس البذرة
مرويَّة بالفرحة... أو
مَطليَّة بالجراح...
والدم مايبقى خمرة
إلا في كاس سفاح...
4
بكائية ماتنفعش غنوة
ولو دَقّ لها ١٠٠طبّال..
الفرحة طايرة بنشوة
والشَّجن....... أغلال..
5
في أدنى الأرض...
أنين وعويل موجوع
مين يناوله منديل
ويسدّ بير الدموع؟
6
كانت شموع ضحكات
على خدود الصغار...
لما طفاها الدمار
ضاع النهار.....
7
نجُرّ طول عمرنا
سؤال محيّرنا
إحنا اللى اخترنا
والاّ ...اختيار قدرنا؟
8
من فضل الرحمَن
باقية ف دفاتر القلوب
وردة الإيمان.....
9
القرن واحد وعشرين
في حضارة البشرية..
ولاهوَّه القرن الأول
في عمر الهمجية؟
مساحة إعلانية
مساحة إعلانية
