مساحة إعلانية
ملقتش ف براح الكون
جنون ...
عيل بيشبه ضحكتك
قلبي اللي مفطوم
ع الكلام ...
قلبي اللي بينام
ف وش الصبح
بالأحلام ....
ارمينى ف بر اح الكون
ارمينى مابين ايتام
يمكن الاقى سكتك
وارمح كما رهوان
قلبي اللي حافظ غنوتك
سكه ....و مابين اوهام
ردى غناوى الفرح
م الحزن ... جات احزان
خليلى حته ف دنيتك
لسانى شايل غنوتك
حبة حروف ف الجوف
يمكن اعوف ...
يمكن براح الكون يكون
ارميلى تعسيله
حضن العيال قيله
وان طق قلبي م الوجع
او تقلت الشيله
ضمينى فوق صدر الغنا
ارفى الحديت بحديت
وان غبت مره و قولتلك
خلينى مره اتحملك
قبل الأوان م يفوت
قل الغنا م يموت
ويسك اوجاعك
مساحة إعلانية
