مساحة إعلانية
مساحة إعلانية
بدون شك
لما يدك
أو يحك
أو يسك
النظر م الشوف
وألمح طراطيف
الكلام م الخوف
يمكن اعوف
سكتك. ...
واغسل إيدين
النعمانين
ع الطريق
الحلم بيرش
العناد ... ع الزاد
أطلق ميعاد
للبوح ... اللى
واقع من فوق سطوح
الحلم ....
الحلم بيلم
الموجوعين ف السنين
السود
طالع ياعود
الورق ع الروح
حبتين واكتر
الحلم بعتر
ضحكته ف الريح
حلم المسيح
دندنه وتباريح
وليل يطيح
على خلق تتاوا
بدون تجريح
يمكن يفيح
الوجع ... ويعود
للوجود
ياسبحه مرصوصه
ف أدان
الحلم هفتان
مابين غنوة الجايين
ياقلة العطشانين
للوطن ....
السكه دى مش سكة
عفن
ولا غنوه بتصد الحياه
م الحياه
تسبيحه بتنجى اللى تاه
م الطريق
ولا طفل يصبح
يوم غريق
ليه ضحكتك بتضيق
أنا كنت غنوة امل
وضحكه تبل الريق
على وش متهالك
كام مره قلها لك
راميه دلالك
على خلق متصونكيش
أنا اللى واهب روحى
للحياه والموت
وان قلت ماتوديش
ماتولوليش ....
إن مت ليكى افرحى
وقوليها كان درويش .
عمال يحب الحياه
وهيه الحياه لــ مفيش
مساحة إعلانية
مساحة إعلانية
مساحة إعلانية
مساحة إعلانية
مساحة إعلانية
