مساحة إعلانية
وأنا القلب اللى يوم حبك ولا استغناش
وأنا الدم اللى علشانك ابيعه بلاش
وأنا ياام الليالى القمره يا أم النيل
أبيع من حبى لترابك مواويلى
فى سوق عشقك بكام ملطوش
سماك ضلتى وأرضك وشمسك
حتة من فرضك
وتحويشة الليالى البيض
يا اسم الكون وكون الاسم
والأناشيد
يا فرح البنت يوم العيد
يا سارقانى وزانقانى وواخدانى
فـــــ كل وريد
أصل الحب من حبك
ومن حبك ينبت عشقنا الأكبر
يا نبراسى
وكراسى
دوايتى وحبرى والكلمات
حروف بكره
وأكرة بابنا والمفتاح
غنا المداح
وتراتيل الآيات فـ الفجر
والقداس
ومدنة حبنا الأكبر
وشيخنا وجامع الأزهر
وطلاب النشيد والذكر
وحضرة ستنا زينب وشال أخضر
سنابل قمح والغلة
جمال الصورة والطلة
وخوفو حارس الأبواب
أنا البواب
ولا أغفل عن الاقفال
وسيفى من غناك صلب
لا اخاف الليل
ولا اجفل فـ يوم الحرب
أنا الكرار أنا عنتر أنا المرمر
أنا الفارس أنا الحارس على بوابك
وحالف يا بلدنا أموت على عتابك
بحبك موت وأموتك حبك
وأعشق شطك النيمان
وأعشق بحرك الزمقان يكب الريم
على الشطين يصحيهم
يبعتر سحره على غفلة
ويخطف فجرك الـ
طالع يدوب يحبى
يونس عشقك الـ
سامع نشيد الفجر
عينيك مركبى وبحرى ومقدافين
قوليلى ياحبيبتى فين
واخدنى غرامك الـ
اللابد ما بين نبضى وبين حلمى
وبين العشق والأشواق
بحبك موووووووت
وأموتتتتتتتك حب
مساحة إعلانية
