مساحة إعلانية
مساحة إعلانية
وداعى كتاب مفتوح
بهون بيه على وجعى
بداوى انسحاب الروح
وبكتم صرخة من قلبي
تبت كتير من البوح
ولا حست بيه ايامى
شقيت لما الشقا مجروح
وكان الجرح خدامى
يلبى من غير ندا روح
وينزف فرح احلامى
خطاوى على الجروح
وسيل الدم من عمرى
وضحكتى تبات سطوح
لسما تمطر بدرى
وبدرى ليه مكسوف
ويطفى لليلي ضيي
ومخالبه تعض الكفوف
لجل ماتشد شمسى
وأضل انا
بين صفحات كتابى المفتوح
اتلحف بسطور وجعى
يبات وجعى يعد الخوف
وقلمى حبره من دمى
وابات انا وانا مش موجود
ووجودى يبات منى
وحيرة جوه كاس مكسور
اشرب..... وينزف دمى
صبرى عالوجع مجهول
ولا حاسين بوجعى
وارافق وحدتى كالغول
وارضى.. من هجر رفقاتى
وابان بنيان مصلوب
وصلبي من البنا عالى
يدارى نحرى لو مكتوب
ماهو ـصل الأصل غالى
ويا دنيا مهما اتوب
أنا منك ومنك بلالى
شكوايا لرب القلوب
ولو مكتوب أنا راضى
لو مكتوب أنا راضى
مساحة إعلانية
مساحة إعلانية
