مساحة إعلانية
إن كنت شفت فــ آخرتك
فيه طوق نجاه
خلاك تغير لــ تجاه
مسألتناش ليه قبلها
أيه اللى راح يطفى الحنين
إحنا اللى عشنا معاك سنين
يفرحنا رن الهاتف من ( تلاك)
وان يوم وعدتنا بالحضور
دعواتنا بسلامة الوصول
تسبقنا وتبارك خطاك
النعى ليك من قلبنا
والحزن مبلغ حزننا
يا بولاقى يا صديقنا الصدوق
ياللى اتولدت عشان ما تثريلنا الأدب
ونقول عليك انك خلوق
إزاى فى لحظه
واقعنا يصبح ذكريات
ما تقول ياصاحبى
ملتزم ليه السكات ؟!
واللا انت وحشوك اللى غابوا
وقلت تبدأ جولتك للراحلين
تكونش قلت المغربى
هايعيش بمين ؟
واخترت تفرد خطوتك
لطريق يعكر صفونا
إزاى ها يبقى غنانا حلو
وعنه غايب لحننا
وقف الكلام ماهاقولشى غير
الرحمه ليك والمغفره
والجنه ليك من ربنا
مساحة إعلانية
