مساحة إعلانية
مساحة إعلانية
لما كنت بتحبي فيا ياابن
عمري
كنت بتهجاك بروحي
كنت بحسب
كل عمري بعمرك انت
دمي
نبضي
قلبي
روحي
كل شئ في حياتي إنت
ضحكتي لما إيديك تقفش حشايا
كات حياتي والنسيم الحلو إنت
ضلتي قلة عطشنا
غنوتي أو كان بكايا
كل ما تنبش في روحي
بالتقيك بكره وأمالي
مت 100مليون وإنت
كنت بتفتح عيونك
وابتديت للصبح
أزقك حبة حبة
وبمودة وحب معجون بالوجع
لاجل ما تشوفك عيوني
رغم إنه زارني موتي
وانت تتسحب لبكره
كنت بسرق نظرة منك
كفك المغروس في روحي
صرختك أو لهفتي
كنت اضمك وافرش الروح
تحت رجلك
إحبي خطي
ياابن عمري كلي ليك
واصحى طول الليل عيوني
مايناموش????
خد يارب الكون حياتي
وابني عيش
وافضل ادعي لما يسمعني الدعا
لما تنطق ماما ليلي يبقى ضي
واما تتهجى الخطاوي
أجري و احضن في الطريق
وافرش الرمشين يخبوا خطوتك
حبة حبة تاتا تاتا هُبا هُبا
واستخبى بيك في روحي
من عيوني ليحسدوك
نفسي ومنايا أما تخرج
احشر الروح جوا لبسك
لاجل ما تغيب عن عيوني
واما بتبان النتيجة
التقيني الفرحة تسبقها الدموع
واحضن البرد اللي طالع م القزار
كنت اخاف لـ يعدي جنبك
كنت اخبيك من حبايبك والجيران
واسمعك قبل اما تنطق
واما بتسافر بعيد أو كان قريب
رحلة يا امه
أحسب اصحابك خانوني
100 مؤامرة
واما جيتني تقولي يااما قلبي دق لبنت حلوة
بحبها
قلت ابني في الهوى
صاده الشبك
وانتهى بيك المطاف
بعد كام موت جاي
تقول لي..
ضيف جنابك
صاحبة الصون والعفاف
ساعة واحدة خفاف خفاف
سالي ما تحبش طبيخك
أو رغيفك والإيدين ماكنوش نضاف
كنت فين لما سهرت الليل بطوله؟
واللا حضني لما تدفس
كل وجعك جوا روحي واحتويك
ليه تبعني واشتريك؟!
لسه صورتك فوق حيطان القلب
لازقة
آاااه عليا
ياابن قهري
قلت ابني يشد ضهري
تبقي عكازى اما اعوزك
واما بتضلم عيوني والقمر يجب ضياه
تبقى انت
شمعتي
شمسي ونهارى
بستعيذ بالله واعيذك
والتقيته عمري كله
وجعي كله
سهري كله
دنيتي اللي سبتهالك
كله كله مايساويش
ياابني انا بعت اللي باعني.
إلاَّ إنت
ليلي ليه نجمه بيهرب ؟
حجري كان لك ألف مهرب
قول لي كام وبكام تبيع؟
صدر ضمك
حجر لمَّك
حضن كان لك ألف ساحة
آاه ياتحويشة صبايا
ليه تضيع ؟
بدلوك أيوه ياعمري بدلوك
بدلوك وجابولي صورة
باهتة غيرك
فين ملامحك؟!!!
ألف بعد الشر عنك
ألف 100 مليون سلامة
مساحة إعلانية
مساحة إعلانية
مساحة إعلانية
مساحة إعلانية
مساحة إعلانية
