مساحة إعلانية
ساعات الوعى يخذلنا
فننزل من منازلنا
ويأسرنا القلق والخوف
وتتبدل محطتنا
من الراحه لسلامة الشوف
ندمنا يعض فى صوابعه
قدرنا المشكله توابعه
وذاكرتنا ماتتفرمتش
فحاولى تفتشى الذاكره
وتعرفى مين خد التانى
لحلاوة الماتش
ومين فينا أكل تفاح
ومين عطر اشتياقه فاح
ومين ماكبحش فينا جماح
ومين ارتاح ومين ماارتحش
انا وانتى طلعنا خلاص على السلم
وكل ماسلمه نطلع
بتتكسر اللى تحتيها
فلما اسأل طلعنا ليه
تردى ازاى .. وايه فيها ؟
حبيبتى ايوه أه فيها
دى حاجه لابد نخفيها
ونتودد لرب غفور
يهد مابين قلوبنا السور
تقولى انتى شكر سعيك
واقول لك سعيك المشكور
وبعديها
تموت فى القلب اشواقك
يروح لك شوقى يحييها
مساحة إعلانية
