مساحة إعلانية
مساحة إعلانية
وكإنك ف الهوا كله
لما جيت اتنفسك
وكإنك ف الوجع كله
لما جيت اتحسسك ..
الجرح جنب الجرح
الورد شارب ملح
والروح حمام مدبوح ف البدن
مد إيدك ياوطن
العتمه كاتمه
مش قادرين نفوت
فك قصدير السكوت / المر ..
موّال السنين
متغربين جوّه الهدوم
وبنعرف الليل م الهموم ..
علي فرشنا
حلمنا هم الرجوع ..
من كام سنه ..
وتر الغنا مقطوع
ولا فيش غنا
ملناش غيرك ياوطن
مهما لفينا مدن
وإتلفينا ف دوّامات هم
ضمنا لصدرك قد ما تقدر تضم
إنت أول شهيق م الهوا
وآخر زفير م الدم
مساحة إعلانية
مساحة إعلانية
