مساحة إعلانية
مساحة إعلانية
فيها اية لو جيت فى بالك
لحظة واحده
وافتكرت انى قريبه
أو حبيبه
أو غريبة ( أى واحده )
كنت قولت لقلبي أوع تتوجع
.. ماشي يمكن
بس عمرى عليك ما أغيب!!
كنت هبكي ؟!
كنت هلعن يوم ما فكرت ابقى وحدى؟!
كنت هصرخ ...
كنت هترجاك
تعيد ليا حياتى..لو هتمشي
كنت هترجاك
تعيد دقات ساعاتي..لنبض قلبي
وضي رمشي
كنت هعلن اعتذارى عن ماخاوفي
عن شكوكي فى الجميع
كنت هلغي كل أيام الخريف
واقتنع ان الربيع من غيرك انت
مش ربيع .
هو ليه الموت معاند فيا ليه؟!!
كل ما انوي فى لحظة أنسى
يبتسم ويقولى لسه!!!
الجروح طالبه ودادك
والدموع ماء الحياة
والوجيعة هى زادك .
طاب مافكرتش تسلم؟!
بس رنة تليفون!!!
وألا جاك من غير ميعاد؟!!
عمرى كله
عشته مكسورة وحزينة.
كنت بحلم يبقى يومي قبل يومك
كنت بحلم
إنى ازورك فى المنام وأحلى نومك
كنت بتخيل وقوفك فوق جبينى
قبل غُسلي
وانت بتقولى كفاية
قومي.....عااااااااد
بعتذرلك
عن حنيني اللى داريته
لما ركبت لجبيني
وش من خشب و قزاز
كنت فاكره انى قوية
مكتفية
بوحدتي ف زمن العواز.
مين يقول انك تفارق ؟!
والفراق من غير سلام
أو رسالة...
تقولى فيها انت عمرى
اللى راح من غير ما أعيشه
أوع تفتكر انى هبعد ...
كيف يطير الطير ويبعد
بعد ما اتقصقص له ريشه
ولبسوه توب السواد .
تشرق الشمس وتغيب
بوقفتى فوق الفساقي
مش بعيد يوم التلاقي
تعمى عيني ...
لو تبطل يوم تشوفك
هو بعدى كان كسوفي
وألا كان أصله كسوفك؟!
مش هغيب عنك كتير
مش عيش مرتاحه بعدك
بكره نتلاقى وتسمع
كل شيء جرى فى بُعدك
مين واساني...
ومين جرحني بكلمته
لما قالي شيدى حيلك
فينه حيلي ؟!!
ما الزمان بناه وهده بقسوته
زى بيت من غير عماد .
روح يا روح الروح
طريقك كله نور
مكتوبالك
فى الحياة عيشه سعيدة
وبعدها فراديس وحور
أما أنا هفضل أعد العمر باللحظة
لأجيلك ...
وانضرك فاتح دراعك بابتسامه
وانت بتقولي..... خلاص
بانت سعاد
مساحة إعلانية
مساحة إعلانية
مساحة إعلانية
مساحة إعلانية
مساحة إعلانية
