مساحة إعلانية
مساحة إعلانية
فتش ف قلبك يمكن
تلاقيني عايش فيه
يالي ابتديت بالجفا
ازاي قدرت عليه
زرعت فيا الأمل
موته ببعادك
كان ايه لزوم قربك
لما أنت مش قديه
وحلفت إنك آخر
واحد هافكر فيه
يااللي ف مشاعرك كافر
والعهد ما توفيه
طلعت زي البشر
الطبع فيك غالب
ربك أكيد غالب
والحق هيوفيه
ولو خيرني الزمان تاني
ما بين قربك أنا هاختار
ما كنت عشقت بالمره
ولا سلمت للأقدار
زرعت الورد في كفوفك
ما نابني غير جراح م الشوك
وضحكه خداعه ف عيونك
وغدر خبيته ف سكوتك
وليل سواده طال
وجرح م الأنين بيئن
لو خيرني الزمان تاني
هاعمل ما بين قلبي
وقلبك سور
مسير الدنيا هاتداوي
الجرح وتجبر المكسور
وليه الدنيا بتعاند
وبتحطك في سكتنا
وليه الورده جنبها شوك
بيستني تطول إيدنا
صحيح القلب كان عايز
ويتمني تكون وياه
مدام البعد كان منك
خساره فيك محبتنا
وليه تسيب الورد
من غير ميه يتألم
كبرنا ولسه برضه صغار
منك بنتعلم
الغدر مش طبعنا
بس انت فيه أستاذ
من كتر صدمتي فيك
مش قادر اتكلم
مساحة إعلانية
مساحة إعلانية
